Iran jaǵalaýynda sýǵa batqan kemedegi 30 jolaýshynyń 29-y qutqaryldy
TEGERAN. QazAqparat - Irandyq tótenshe jaǵdaılar qyzmeti sýǵa batqan Birikken Arab Ámirlikteri kemesinen 29 jolaýshyny qutqardy. Bul týraly beısenbi kúni Iran porttary men keme qatynasy uıymynyń teńiz qaýipsizdigi jáne qorǵanys departamentiniń bas dırektory Nader Pasande málim etti, dep habarlaıdy QazAqparat ISNA agenttigine silteme jasap.
Departamenttiń bas dırektory qutqarýshylarǵa asa qolaısyz aýa raıy jaǵdaıynda jumys isteýge týra kelgenin atap ótti.
Budan buryn habarlanǵandaı, Ámirlik kompanııasyna tıesili keme beısenbi kúni Parsy shyǵanaǵyndaǵy Iran jaǵalaýynda qatty daýyl saldarynan sýǵa batyp ketken edi.
Iran tarapynyń málimetinshe, bortta 30 adam bolǵan. Oqıǵa ornyna birneshe qutqarýshylar toby men tikushaq jiberildi.
