Iran ıadrolyq oqtumsyq jasaýǵa jetetin baıytylǵan ýran qoryna ıe - MAGATE
ASTANA. Maýsymnyń 1-i. QazAqparat - Iran 2,5 tonnadaı tómen baıytylǵan ýranǵa ıe - bul qor eki ıadrolyq oqtumsyq jasaýǵa jetedi. Búgingi tańda bul ýran qory 3 paıyzdaı deńgeıge deıin baıytylǵan. Atom energııasy jónindegi halyqaralyq agenttiktiń (MAGATE) keshe jarııalanǵan baıandamasynda osylaı delingen,
dep habarlaıdy RBK agenttigi.
Baıandamada sondaı-aq, Irannyń ýrandy odan ári baıytýǵa arnalǵan jańa jabdyqqa qol jetkizgeni atap kórsetiledi.
Osynyń aldynda ǵana Iran ókimeti óz zaýytynda ýrandy 20 paıyzǵa deıin baıytýǵa arnalǵan qosymsha qurylǵyny iske qosý nıetin jarııa etken edi. Atalmysh qondyrǵylar iske qosylǵannan keıin, Tegran reaktoryna jiberiletin MAGATE baıqaýshylarynyń da qatary kóbeıe túspek.
