Iran ıadrolyq materıaldy baıytýdyń 19,8 paıyz deńgeıine jetti - MAGATE
ASTANA. Aqpannyń 19-y. QazAqparat - Iran ıadrolyq materıaldy baıytýdyń 19,8 paıyz deńgeıine qol jetkizdi.
Bul týraly Atom energııasy jónindegi halyqaralyq agenttik bas dırektorynyń (MAGATE) agenttiktiń basshylyq organynyń naýryzdyń 1-inde ótetin kezekti sessııasynyń qarsańynda tanysý úshin Basqarýshylar keńesiniń múshelerine joldanǵan baıandamasynda aıtylyp otyr.
«Iran agenttikke massa-spektrometrııanyń nátıjesin berdi, málimetke súıensek, aqpannyń 9-11-i aralyǵynda Natanzedegi otyn baıytý jónindegi tájirıbelik qondyrǵyda ýran-235 otynyn 19,8 paıyz deńgeıine deıin baıytýǵa qol jetkizilip otyr. Qazirgi ýaqytta qondyrǵyda tsentrfýgalardyń qurastyrylǵan bir ǵana kaskady bar, ol ýran geksaftorıdin 20 paıyzǵa deıin baıytýdyń múmkindigine ıe», delingen qujatta.
«Iranda, barlyq ıadrolyq materıaldyń beıbit maqsatta paıdalanyp otyrǵanyn rastaý úshin, agenttikke Irannyń ıadrolyq baǵdarlamasynda áskerı mazmunnyń joqtyǵyna kóz jetkizýi kerek», dep atap kórsetiledi baıandamada. Ókinishke oraı, agenttiktiń quzyryndaǵy jáne «túrli derekkózderden» alynǵan málimetter «Irannyń ıadrolyq oqtumsyq nemese zymyran jasaý múmkindigi týraly alańdaýshylyq týǵyzyp otyr», deıdi MAGATE sarapshylary.
