Iran ıadrolyq kelissózderde óziniń ashyqtyǵyn kórsetip otyr
ASTANA. QazAqparat - Iran ıadrolyq másele boıynsha «altylyqpen» ótetin aldaǵy kelissózderde óziniń ustanymynyń ashyqtyǵyn kórsetýge daıyn.
Bul týraly búgin Iran prezıdenti Hasan Rýhanı málim etti.
«Altylyq» (Reseı, Ulybrıtanııa, Germanııa, Qytaı, AQSh, Frantsııa) pen Iran kelissózderiniń tórtinshi kezeńi Venada 13-16 mamyr aralyǵynda ótedi.
6-7 mamyrda Nıý-Iorkte «altylyq» ókilderimen ıadrolyq másele boıynsha sarapshylyq kezdesý nátıjesin EO ókilderi oń baǵalady.
Esterińizge sala keteıik, Iran ýrandy baıytý úshin jańa tsentrıfýgalardy ornalastyrýdan bas tartyp, ózderiniń ıadrolyq nysandaryna halyqaralyq sarapshylardy kirgizýge jáne qarýǵa negizdelgen plýtonııdi óndirýge tehnıkalyq turǵyda qaýqarly ıadrolyq reaktordyń qurylysyn toqtatýǵa kelisti. Óz kezeginde bul elge qatysty ekonomıkalyq sanktsııalar birshama jeńildetiletin bolady.
Atap aıtqanda, taraptar kelisimdi júzege asyrýǵa 20 qańtarda kirisken edi. MAGATE ırandyq tarappen aradaǵy kelisimderdiń oryndalýyn qadaǵalaýǵa jaýapty bolyp otyr.
