Iran ıadrolyq qarýdyń taralmaýyn qoldaıdy - Iran Syrtqy ister mınıstrliginiń spıkeri
ALMATY. Sáýirdiń 29-y. QazAqparat /Erlik Erjanuly/ - Iran ıadrolyq qarýdy taratpaý týraly kelsimge eń alǵashqylardyń biri bolyp qol qoıdy jáne ony eshqashan buzǵan emes. Ony Iran Islam Respýblıkasynyń Syrtqy ister mınıstrliginiń spıkeri Ramın Mehmanparast búgin Almatyda ótkizgen baspasóz máslıhatynda málimdedi,
dep habarlaıdy QazAqparat.
"Biz de ıadrolyq qarýdyń tarlaýyna qarsymyz. Bizdiń osy ýaqytqa deıin jáne qazir jasap jatqanymyzdyń bári MAGATE-niń baqylaýynda. Ol bizdiń qyzmetimizge qatysty 21 ret óz esebin jasady. Onda atomdy beıbit maqsatqa paıdaldanýdan ózge qandaı da bir qyzmetti baıqamaǵanyn aıtady. Osy oraıda bizde de ıadrolyq qarýy bar elder nege ony joımaıdy degen suraq týyndaýda", deıdi Ramın Mehmanparast. Iran Islam Respýblıkasy Syrtqy ister mınıstrligi spıkeriniń aıtýynsha, ıadrolyq qarýdy taratpaý týraly kelisimde eki birdeı bapta mynandaı mańyzdy jáıttar jazylǵan. Birinshisinde, ıadrolyq qarýdy damytyp ony úshinshi elge berýge eshbir eldiń quqy joq dep aıtylǵan. Alaıda AQSh pen keıbir batys elderi Izraılge ıadrolyq oqtumsyqty ıelenýge kómektesti. Qazir onda 300-deı oqtumsyq bar. Bul kelisimdegi bapqa qaıshy keledi. Ekinshi bapta ıadrolyq qarýy bar barlyq elder ony birtindep joıýy kerek delingen. Áıtse de sodan beri 40 jyl ótse de ol memleketter qarýdy joıǵan joq, qaıta onyń sanyn ulǵaıta tústi. Bul qarýlar álemdi 20 márte jermen-jeksen etýge jetetinin olardyń ózderi de moıyndap otyr.
"Tegeranda májilis bolyp, ol atom energetıkasy beıbit maqsatta barlyq elge qol jetimdi bolýy kerek degen uranmen ótti. Atom qarýyn eshkimniń ıelenýge quqy joq. Onda qandaı da bir elde artyqshylyq bolmaýy kerek. Ókinishke oraı, ıadrolyq qarýlanýǵa qarsy kúres barlyq kezde birdeı ádiletti júrmeı otyr. AQSh pen keıbir batys elderiniń sóılegen sózi men istegen isi úılespeýde", deıdi Iran Islam Respýblıkasynyń Qazaqstandaǵy burynǵy Tótenshe jáne Ókiletti elshisi R. Mehmanparast.
