Iran ıadrolyq baǵdarlama boıynsha kelissózden bas tartýda
ASTANA. Jeltoqsannyń 2-si. QazAqparat - Iran halyqaralyq qoǵamdastyqpen óz ıadrolyq baǵdarlamasy týraly kelissóz júrgizbek emes.
Bul týraly Iran Przıdenti Mahmud Ahmadınejad jergilikti telearnalardyń birine bergen suhbatynda málim etti, dep habarlaıdy «RIA «Novostı» agenttigi.
Ahmadınejad Tegrannan ýran shıkizatyn baıytý jónindegi jańa zaýytty jabý týraly ótken aptada qabyldanǵan MAGATE qararyn úzildi-kesildi aıyptady. Ol sondaı-aq qarardy qoldaǵan alpaýyt elderdi, onyń ishinde Reseıdi de aıyptady.
Tegran álemdik qoǵamdastyqtyń sońǵy usynystaryn qabyldamaı, ýran baıytatyn taǵy 10 zaýyt salý týraly nıetin jarııa etkennen keıin, Irannyń ıadrolyq baǵdarlamasynyń tóńiregindegi jaǵdaı ýshyǵyp otyr. Batys elderiniń basshylary, Irannyń mundaı áreketteri oǵan qarsy jańa sanktsııalar engizýge ákeletinin birneshe ret málim etken bolatyn.
