Iran ıadrolyq baǵdarlamasyn halyqaralyq quqyq aıasynda jalǵastyrmaq — Pezeshkıan
ASTANA. KAZINFORM — Iran prezıdenti Masýd Pezeshkıan Tegeran ıadrolyq baǵdarlamasyn halyqaralyq quqyqqa sáıkes damytýdy jalǵastyratynyn jáne ıadrolyq qarý jasaýǵa umtylmaıtynyn málimdedi. Bul týraly Kazinform agenttigi TASS-qa silteme jasap habarlaıdy.
Memleket basshysy bul týraly Tegeranda Saýd Arabııasy, Túrkııa jáne Pákistannyń joǵary laýazymdy ókilderimen kezdesýde aıtty.
Pezeshkıan Irannyń ıAdrolyq qarýdy taratpaý týraly shartqa (ıAQTSh) qatysýshy el ekenin atap ótip, ıadrolyq qyzmetin halyqaralyq quqyqta kózdelgen quqyqtary men mindetteri aıasynda jalǵastyrýǵa nıetti ekenin jetkizdi.
Prezıdenttiń aıtýynsha, Iran ıadrolyq tehnologııalardy beıbit maqsatta paıdalaný quqyǵyn saqtap qalýǵa nıetti jáne halyqaralyq qaýymdastyq osy quqyqty qurmetteıdi dep úmittenedi.
Ol sondaı-aq ıadrolyq baǵdarlamany qysym kórsetýge, qorqytýǵa jáne ıadrolyq nysandarǵa soqqy jasaýǵa syltaý retinde paıdalanatyn tásildi synǵa aldy.
Pezeshkıan kelissóz júrgizýge daıyndyq týraly málimdemeler jasalyp jatqanymen, Iranǵa qarsy áskerı áreketterdiń jalǵasýyn synǵa aldy.
Onyń pikirinshe, mundaı saıasat senimge nuqsan keltirip, Iran halqy men bılik ókilderiniń arasyndaǵy senimsizdikti kúsheıtedi.
Kezdesýge Saýd Arabııasynyń qorǵanys mınıstri Haled ben Salman Ál Saýd, Pákistan qorǵanys kúshteriniń qolbasshysy, feldmarshal Asım Mýnır jáne Túrkııanyń Ulttyq barlaý uıymynyń basshysy Ibragım Kalyn qatysty.
Buǵan deıin Iran parlamenti depýtattarynyń bir toby eldiń ıAdrolyq qarýdy taratpaý týraly sharttan shyǵýyna qatysty zań jobasyn usynǵany habarlanǵan edi. Bul bastama áskerı teketires pen Tegeranǵa halyqaralyq qysymnyń kúsheıýi aıasynda kóterildi.
