Iran rıalynyń quny buryn-ońdy bolmaǵan deńgeıde quldyrady
ASTANA. KAZINFORM - Irannyń ulttyq valıýtasy aıtarlyqtaı qunsyzdanyp, erkin naryqta 1 dollar baǵamy 1,81 mln rıaldan asyp ketti. Bir jyl buryn bul kórsetkish shamamen 811 myń rıal bolǵan. Sarapshylar muny AQSh-tyń teńizdegi shekteýleri men aqpan aıynan bergi soǵystyń saldarymen baılanystyrady, dep habarlaıdy Aljazeera.
El ekonomıkasyna qysym kúsheıdi. Mańyzdy ınfraqurylym nysandarynyń búlinýi jáne halyqaralyq sanktsııalar jaǵdaıdy ýshyqtyrǵan. Sońǵy aıda shıkizattan tys eksport kólemi 30 paıyzǵa jýyq qysqarsa, Qytaımen saýda bir jyl ishinde 80 paıyzǵa tómendegen.
Bılik daǵdarysty tejeý úshin birqatar shara qabyldady. Azyq-túlik qoryn tolyqtyrý úshin ulttyq qordan 1 mlrd dollar bólindi. Sonymen qatar el ishinde resýrsty saqtaý úshin bolat pen munaı-hımııa ónimderin syrtqa shyǵarýǵa shekteý qoıyldy.
AQSh tarapynan qysym áli de jalǵasýda: ırandyq tankerlerdiń qozǵalysy shektelip, qarjy arnalaryna baqylaý kúsheıtilgen. Bul jaǵdaı Iran ekonomıkasynyń syrtqy álemnen oqshaýlanýyn burynǵydan da tereńdete tústi.
Osyǵan deıin Irannyń qaqtyǵysty retteý jónindegi usynysyna Tramptyń kóńili tolmaı otyrǵany týraly jazdyq.
