Iran úshinshi býyndaǵy tsentrıfýgalardy jasaýǵa kiristi
ASTANA. Sáýirdiń 10-y. QazAqparat - Juma kúni Tegranda ýrandy baıytýǵa arnalǵan tsentrıfýgalardyń jańa, úshinshi býyny tanystyryldy. Mılad telemunarasynyń májilis zalynda ótken bul rásimge el prezıdenti Mahmud Ahmadınejad jáne Irannyń Atom energııasy jónindegi uıymnyń jetekshisi Álı Akbar Salehı qatysty, dep habarlaıdy ITAR-TASS agenttigi.
Irandyq derekkózderdiń aqparaty boıynsha, jańa tsentrıfýgalar tehnıkalyq synaqtardan sátti ótken. Olardyń qýaty Natanzedegi ıadrolyq ortalyqta ornatylǵan birinshi býyn tsentrıfýgalarynan 6 ese assa, bir jyldan beri serııalyq óndiriske shyǵarylǵan ekinshi býyn tsentrıfýgasynan birneshe esege qýattyraq.
Keshe Islam Respýblıkasynda ıAdrolyq tehnologııalardyń ulttyq kúni atap ótildi.
