Iran ýrandy syrtta baıytýdan resmı bas tartty
ASTANA. Qańtardyń 20-sy. QazAqparat - Iran ýrandy baıytý úshin shetelge jóneltý jónindegi MAGATE-niń usynysynan resmı bas tartty,
dep habarlaıdy Associated Press agenttigi BUU-daǵy derek kózge silteme jasap.
2009 jyldyń qazan aıynda MAGATE Iran basshylyǵyna baıytý úshin ýrandy Reseıge jáne Frantsııaǵa shyǵarýdy usynǵan bolatyn. Keıinnen bul usynys Islam Respýblıkasynyń quzyryna jetkizilgen edi.
2009 jyldyń jeltoqsan aıynda Irannyń syrtqy ister mınıstri Manýchehr Mottakı, Iran basshylyǵynyń negizinen bul josparmen kelisetinin málim etken edi. Mınıstr Islam Respýblıkasynyń shetelge 1,2 tonna ýran shyǵarý múmkindigin qarastyrǵan edi. Biraq, endi Iran bul usynystan resmı túrde bas tartyp otyr.
Irannyń bul málimdemesine qatysty MAGATE men álemdik qoǵamdastyqtyń resmı reaktsııasy ázirge belgisiz.
Biraq esterińizge sala keteıik, osydan 10 kún buryn AQSh armııasynyń Ortalyq qolbasshylyǵy Irannyń ıadrolyq nysandaryna qarsy is-qımyldardyń josparyn ázirlegenin málimdegen bolatyn. Pentagonnan málim etilgendeı, bul jospar «kútpegen jaǵdaılar úshin» jasalyp otyr.
