Iran ýrandy baıytýdy jalǵastyrmaq

ASTANA. KAZINFORM — Iran Syrtqy ister mınıstriniń orynbasary Abbas Arakchıdiń málimdeýinshe, Iran ýrandy baıytý jumystaryn jalǵastyrady jáne bul quqyǵynan bas tartpaıdy, dep habarlaıdy IRNA. 

— Jaqynda bolǵan janjaldan keıin olardy Iran Islam Respýblıkasynyń ustanymy kúshti jáne berik bolyp qala beretinin jáne biz baıytýdyń jalǵastyratynymyz týraly aqparattandyrý qajet boldy. Biz Iran halqynyń bul quqyǵynan bas tartpaımyz, — dedi Abbas Arakchı Ystanbulda Iran men eýropalyq «úshtik» arasyndaǵy kelissóz qorytyndylaryna túsinik berip. 

Abbas Arakchı sondaı-aq Iran Islam Respýblıkasynyń aqylǵa qonymdy jáne qısyndy sheńberde beıbit maqsattaǵy ıadrolyq baǵdarlamasyn damytýǵa árqashan daıyn ekenin qosty. 

— Biz alańdaýy múmkin elderdiń senimine ıe bolýdy eshqashan nazardan tys qaldyrǵan emespiz. Alaıda, Islam Respýblıkasy óz kezeginde ıadrolyq energııany baıytýdy qosa alǵanda beıbit maqsatta paıdalaný quqyǵynyń saqtalýyn talap etedi, — dep atap ótti ol.

Eske sala ketsek, 22 shildede Tegeranda Iran, Reseı jáne Qytaı ókilderiniń úshjaqty kezdesýi ótti. Kelissózdiń basty taqyryby Irannyń ıadrolyq baǵdarlamasy tóńiregindegi daǵdarysty retteý máselesi boldy.