Iran ýran baıytý jumysyn keńeıtip jatyr - MAGATE
ASTANA. 24 tamyz. QazAqparat - Iran «Fordý» kesheninde ýran baıytatyn jańa tsentrıfýgalardy ornatty. Biraq olardy áli iske qosqan joq.
Bul týraly ıAdolyq energetıka jónindegi Halyqaralyq agenttikte (MAGATE) isteıtin qyzmetkerge silteme jasaǵan Reıters aqparattyq agenttigi habarlady.
Buǵan deıin MAGATE Irannyń ýran baıytý salasyndaǵy áleýetiniń ıadrolyq bombany jasap shyǵarýǵa jetkilikti ekendigin jarııa etken bolatyn. Iran memleketiniń basshysy Mahmýd Ahmadınejad óz elindegi ýrannyń 20 paıyzǵa deıin baıytylatyndyǵyn jasyryp otyrǵan joq. «Alaıda odan alynatyn otyn ıadrolyq qarý-jaraqty jasaýǵa qoldanylmaıdy», - deıdi M.Ahmadınejad.
Aıta keteıik, búginde Iranǵa BUU rezolıýtsııasynyń tórt sanktsııasy salyndy. Al Izraıl 2011 jyldan beri «osy eldiń ıadrolyq nysandaryn bombalaımyz», dep otyr.
