Iran ulttyq valıýtany denomınatsııalamaq
ASTANA. Qańtardyń 21-i. QazAqparat - Iran úkimeti eldegi ınflıatsııanyń joǵary deńgeıimen kúresýge baǵyttalǵan birqatar zań jobalaryn ázirlemek.
Aǵymdaǵy jyldyń sáýir aıyna kúshine enetin jańa zań, atap aıtqanda azyq-túlik pen elektr energııasyna bólinetin memlekettik sýbsıdııay kúrt qysqartýdy qarastyryp otyr, dep habarlaıdy RBK agenttigi.
Oǵan qosa, Iran Prezıdenti Mahmud Ahmadınejadtyń málim etýinshe, elde ulttyq valıýta - ıran rıaly denomınatsııalanýy yqtımal. M.Ahmadınejadtyń aıtýynsha, "artyq nólderdi alyp tastaý ıran rıalynyń naqty qunyn belgileıtin bolady».
Qazirgi tańda jergilikti valıýtanyń aıyrbas baǵamy 1 dollar úshin 10 myń ıran rıalyn quraıdy, 1979 jyly, Iranda revolıýtsııa bolǵan kezde, 1 dollar nebári 70 rıalǵa baǵalanatyn.
