Iran ulttyq quramasy álem chempıonatyna qatyspaýy múmkin
ASTANA. KAZINFORM — Iran fýtbol federatsııasynyń prezıdenti Mehdı Tadj 2026 jylǵy álem chempıonatynyń fınaldyq kezeńine ulttyq quramanyń qatyspaýy múmkin ekenin málimdedi, dep habarlaıdy Report.
Buǵan AQSh vızalaryn alý protsesiniń sozylyp ketýi sebep bolyp otyr. Qazirgi ýaqytqa deıin komanda músheleriniń eshqaısysyna elge kirýge ruqsat berilmegen.
Tadj qalyptasqan jaǵdaıǵa alańdaýshylyq bildirip, aldaǵy kúnderi Halyqaralyq fýtbol qaýymdastyqtary federatsııasynyń (FIFA) ókilderimen kezdesý ótkizetinin aıtty.
Kelissóz barysynda ol vıza máselesin múmkindiginshe tez sheshýge naqty kepildik talap etpek. Eger másele sheshilmese, Irannyń týrnırge qatysýyna qaýip tónýi múmkin.
Álem chempıonaty 11 maýsym men 19 shilde aralyǵynda AQSh, Kanada jáne Meksıkada ótedi. Iran quramasy Ózbekstanmen 2:2 esebimen teń oınap, 2026 jylǵy álem chempıonatyna joldama alǵan edi. Olar G tobyna túsip, Belgııa, Egıpet jáne Jańa Zelandııa quramalarymen oınaıdy. Toptaǵy barlyq matchtardy AQSh-ta ótkizý josparlanǵan.
Aıta keteıik, Tramp ákimshiligi fýtboldan álem chempıonatynyń irikteýinen ótken elderden kelgen sheteldik jankúıerlerge AQSh-qa kirý úshin 15 000 dollarǵa deıingi kepildik tóleý talabyn alyp tastady.
