Iran Túrkimenstan shekarasyna deıingi alǵashqy jolaýshylar poıyzyn iske qosty
ASTANA. QazAqparat - Iran Túrkimenstanmen aradaǵy shekaraǵa deıingi alǵashqy jolaýshylar poıyzyn iske qosty, dep habarlady Trend.
«Iranda uzyndyǵy 75 km bolatyn Gorgan-Indjebýrýn temir jol jelisi boıynsha alǵashqy jolaýshylar poıyzy saparǵa shyqty. Gorgan qalasy Irannyń soltústiginde, al Indjebýrýn - Túrkimenstanmen shekarada ornalasqan», - delingen habarlamada.
Jolaýshylar poıyzy 336 oryndyq, jyldamdyǵy saǵatyna 120 km quraıdy.
Naýryz aıynda «Iran temir joldary» kompanııa basshysynyń orynbasary Hoseın Ashýrı Irannyń temir joldary jaqyn arada Túrkimenstan, Qazaqstan, Ózbekstan jáne Tájikstan temir joldarymen qosylatynyn málim etken bolatyn.
