Iran turǵyny shokolad urlaǵany úshin qolynan aıyrylady
ASTANA. Qazannyń 18-i. QazAqparat - Irannyń zańnamasy urlyqqa qatysty kez kelgen oqıǵaǵa baısaldy qaraıdy. RBK agenttiginiń habarlaýynsha, jergilikti sot shokolad urlady degen kúdiktiniń qolyn shabý týraly úkim shyǵardy.
Er adam quqyq qorǵaýshylardyń qolyna 2010 jyldyń mamyr aıynda túsken bolatyn. Onyń kóligin toqtatqan polıtsııa kólik ishinen 900 dollar aqsha, úsh dana qolǵap pen úlken kólemdegi shokolad pen kakaony tárkilegen. Ol táttilerdi qaıdan alǵanyn túsindire almady, keıin olardy urlap alǵany anyqtaldy.
Qolynan aıyrylǵanymen, ol bári bir bostandyqqa shyǵa almaq emes. Ol dúkenge ákelgen shyǵyny men polıtsııaǵa qarsylyq kórsetkeni úshin taǵy jarty jyl túrmede otyrady.
Sharıǵat tártipteri áli oryndalatyn Iran Islam Respýblıkasynda urlyq jasaǵany úshin adam qolyn kesý kóp taralǵan jazalar qataryna jatady.
