Iran turǵynymen aýyz jalasqan ázerbaıjandyq eline mol kólemde esirtki ákelgen
ASTANA. KAZINFORM – Ázerbaıjannyń Memlekettik qaýipsizdik qyzmeti men Memlekettik shekara qyzmeti kontrabanda men esirtki aınalymyna qarsy birlesken sharalardy júrgizip jatyr, dep habarlaıdy Azertag.
11 sáýirde júrgizilgen jedel-izdestirý is-sharalary barysynda Beılagan aýdanynan Baký qalasyna metadon M-40 tabletkalary men keptirilgen marıhýananyń iri partııasyn tasymaldaý kezinde 1994 jylǵy 12 tamyzda týǵan Orýdjev Godja Mıkaıl oǵly ustaldy.
Tergeý barysynda onyń Iran Islam Respýblıkasynyń azamatynyń qatysýymen qylmystyq baılanys ornatyp, esirtki satý úshin ony Ázerbaıjan aýmaǵyna kontrabandalyq jolmen jetkizgeni anyqtaldy.
Memlekettik qaýipsizdik qyzmetiniń málimetinshe, tekserý kezinde jalpy salmaǵy 16 keli 700 gramm keptirilgen marıhýana jáne quramynda esirtki bar 3500 dana metadon M-40 tabletkasy tárkilengen.
-Atalǵan derek boıynsha Orýdjevke Ázerbaıjan Respýblıkasynyń Qylmystyq kodeksiniń 206.3.2, 234.4.1 jáne 234.4.3-baptary boıynsha aıyp taǵylyp, sot sheshimimen oǵan qamaýǵa alý bultartpaý sharasy qoldanyldy,-delingen habarlamada.
Qazirgi ýaqytta is boıynsha jedel-tergeý áreketteri jalǵasyp jatyr.
Osyǵan deıin Ystanbulda esirtkige qarsy operatsııa kezinde tanymal aktrısa Hande Erchel qamalǵany týraly jazdyq.
