Iran Tramptyń málimdemesinen keıin ıadrolyq mámileden shyǵýy múmkin
ASTANA. QazAqparat - Irannyń syrtqy ister mınıstri Mohammad Djavad Zarıftiń málimdeýinshe, eger AQSh respýblıkaǵa qarsy sanktsııalardy qalpyna keltiretin bolsa, Iran 2015 jyly shilde aıynda qol jetkizilgen ýaǵdalastyqta qarastyrylǵan Birlesken is-qımyl josparynan (BІQJ) shyǵýy múmkin, dep habarlaıdy QazAqparat reseılik TASS agenttigine silteme jasap.
Mınstrdiń málimdemesin jeksenbi kúni Bloomberg agenttigi jarııalady.
«Eger Iran qarsy taraptyń sanktsııalardy alyp tastaýǵa qatysty qabyldaǵan áreketteri Islam Respýblıkasy úshin jetkiliksiz ekenin sezse, elimiz birneshe áreketterdi qoldanýǵa májbúr bolady, olardyń bireýi - ıadrolyq kelisimnen shyǵý», - dep málimdedi Zarıf.
Zarıftiń aıtýynsha, eger sanktsııalar Iran úshin asa mańyzdy salalarǵa, sonyń ishinde munaı saýdalaýǵa jáne áýe kemelerin satyp alýǵa salynsa, onda Tegeran «ıadrolyq mámilege qatysýy boıynsha sheshim qabyldaýǵa quqyly».
Juma kúni Tramp Iranǵa qatysty Vashıngtonnyń jańa, asa qatań strategııasyn baıandady. Oǵan sáıkes, Qurama Shtattar Irannyń «turaqsyzdandyratyn yqpalyna» qarsy jáne halyqaralyq qaýymdastyqty Islam revolıýtsııalyq qorǵaý korpýsyna (IRQK, Iran qarýly kúshteriniń elıtalyq bólimderi) qysym jasaý úshin birigýge shaqyrady.
Sonymen qatar, AQSh prezıdenti Tegerannyń ıadrolyq baǵdarlama týraly kelisimniń oryndalýyn rastaýdan bas tartyp, oǵan ózgerister engizýge ýáde berdi.
