Iran tómen baıytylǵan ýrandy el aýmaǵynda almasýǵa ázir
ASTANA. Naýryzdyń 18-i. QazAqparat - Iran 20 paıyzǵa deıin baıytylǵan 120 keli otyn alý úshin tómen baıytylǵan ýrandy óz aýmaǵynda bir mezgilde almastyrýǵa ázir,
dep málim etti Islam Respýblıkasynyń Atom energııasy jónindegi agenttiginiń basshysy Álı Ákbar Salehı.
Onyń aıtýynsha, «almasý Islam Respýblıkasynyń aýmaǵynda jáne bir mezgilde ótetin bolsa ǵana, Tehran ýrandy tolyq kólemde jetkizýge ázir». «Biz Tehrandaǵy zertteý reaktory úshin otynǵa 20 paıyzǵa deıin baıytylǵan 120 keli ýrandy alý úshin, 1200 kelige deıin (3,5 paıyzǵa deıin baıytylǵan) ýrandy jetkize alamyz», dep jazady «Djavan» gazeti Álı Ákbar Salehıdiń sózine silteme jasap.
Ótken jyly halyqaralyq araǵaıyndar «altylyǵy» - Reseı, AQSh, Qytaı, Ulybrıtanııa, Frantsııa jáne Germanııa elderi Irannyń ıadrolyq energetıkalyq baǵdarlamasymen baılanysty problemany sheshýdiń jobasyn usynǵan bolatyn. Onyń basty mazmuny - Iran ózindegi tómen baıytylǵan ýrannyń 75 paıyzyn ári qaraı óńdeý jáne baıytý úshin Reseıge tasylýy kerek, odan keıin ol ónimnen Tehran reaktory úshin ýran sterjenderin jasaý úshin otyndy Frantsııaǵa jetkizý qajet bolyp tabylady.
