Iran sút eksporttaıtyn elder qataryna qosyldy
TEGRAN. Shildeniń 30-y. QazAqparat /Asylbek Ádilhan/ - Bıyl Iran shıki sút eksporttaıtyn memleketter qataryna qosyldy. Bul týraly Iran Islam Respýblıkasy aýyl sharýashylyǵy mınıstriniń orynbasary Sáadátalla Ábbası málim etti.
IRNA tilshisimen suhbatynda Sáadátalla Ábbası: «BUU-nyń aýyl sharýashylyǵy uıymy jarııalaǵandaı, Iran 5,9 mln. tonna sút óndirip, 2010 jyly bul salada zor jetistikterge jetti, sondaı-aq adam basyna 130 kılogramm ónim shyǵaryp, sút eksporttaýshy memleketter qataryna qosyldy» - dedi.
Ol, sút óndirý kórsetkishin ulǵaıtýǵa arnalǵan osy mınıstrliktiń baǵdarlamalary jaıly: «4-shi besjyldyq baǵdarlamasynda mal ónimderi proteınin qoldaný kórsetkishi - memleketimizde 23 grammǵa teń bolǵan, sondaı-aq 5-shi besjyldyq baǵdarlamamyzda bul kórsetkish 35 gramǵa ulǵaımaq», - dep atap ótti.
S.Ábbası sonymen qatar 2009 jyly sútti tuqymdy sıyrlar basyn 60 myńǵa kóbeıtkenderi jaıly habarlap, 5-shi besjyldyq baǵdarlamasynyń aıaǵyna deıin sút óndirý kólemi ulǵaıyp, 13 mln. tonnaǵa jetetinin atap ótti.
IIR aýyl sharýashylyǵy mınıstriniń orynbasary, sondaı-aq mınıstrliktiń irimshik sııaqty ártúrli sút taǵamdaryn eksporttaý kólemin ulǵaıtýdy josparlap otyrǵanyn jetkizdi.
