Iran soqqysynan keıin Tel-Avıvte keminde 40 ǵımarat zaqymdandy
ASTANA. KAZINFORM — Irannyń zymyrandyq soqqysynan keıin Tel-Avıv qalasynda keminde 40 ǵımaratqa zaqym kelgen. 200-den astam turǵyn evakýatsııalanyp, bir áıel qaza tapty. Eldiń ortalyq aýdandarynda áýe dabyly sırenalary áli de qosylyp jatyr, dep habarlaıdy Kazinform agenttiginiń Taıaý Shyǵystaǵy menshikti tilshisi.
Haaretz basylymy Tel-Avıv mýnıtsıpalıtetine silteme jasap habarlaǵandaı, ırandyq zymyran soqqylary saldarynan keminde 40 ǵımarat búlingen. 200-den astam turǵyn úılerinen shyǵarylyp, qalanyń úsh qonaqúıine ornalastyryldy.
Izraıl qorǵanys armııasy (TsAHAL) Iran tarapynan jańa zymyran ushyrý belsendiligi tirkelgenin málimdedi. Áskerı derekterge sáıkes, sońǵy táýlikte Izraılge jáne Taıaý Shyǵystyń ózge elderine, negizinen Batys Iran aýmaǵynan birneshe júz zymyran ushyrylǵan.
Direct Iranian missile impact in Tel Aviv confirmed.
— The Cradle (@TheCradleMedia) February 28, 2026
Damage and injuries reported. pic.twitter.com/trz2iU5Xqa
Áýe dabyly sırenalary Tel-Avıv, Petah-Tıkva, Rıshon-le-Tsıon jáne Izraıldiń ortalyq óńirlerinde, sondaı-aq Iordan ózeniniń batys jaǵalaýynda qosyldy. Keıinirek dabyl Ierýsalım mańynda jáne eldiń soltústiginde de jarııalanǵan.
Drone footage shows damage in Tel Aviv after Iranian strike, reportedly leaving 40 buildings damaged and over 200 evacuees. pic.twitter.com/48czHsaxNv
— Middle East Eye (@MiddleEastEye) March 1, 2026
TsAHAL-dyń tyl qolbasshylyǵy túngi soqqy kezinde Tel-Avıvtegi turǵyn úı mańyna zymyrannyń synyǵy emes, tolyqqandy ırandyq ballıstıkalyq zymyran qulaǵanyn anyqtady.
Áskerı baǵalaýǵa sáıkes, zymyran birneshe júz kılogramm salmaqtaǵy oqtumsyqpen jabdyqtalǵan. Jarylys aýqymdy qıraýǵa ákelip, úlken shuńqyr paıda bolǵan.
More from Tel Aviv. Missile strikes on Tel Aviv left 21 wounded: 1 critical, 1 severe, 3 moderate, and 16 mild injuries. #Iran pic.twitter.com/V3GucWDmEW
— NOELREPORTS 🇪🇺 🇺🇦 (@NOELreports) February 28, 2026
The Times of Israel keltirgen tergeý nátıjelerine saı, qaza tapqan áıel qart adamǵa kútim jasaǵan sheteldik kútýshi bolǵan. Ol panalaý ornyna jetip úlgermegen. Soqqy túsken úı eski ǵımarat bolǵan jáne jeke qorǵalǵan bólmeleri bolmaǵan. Turǵyndardyń basym bóligi qoǵamdyq bomba panasyna evakýatsııalanyp úlgergen. Qamqorlyq kórsetilgen qart áıel qutqarýshylar tarapynan úıindi astynan tiri shyǵaryldy.
TsAHAL málimetinshe, qazirgi zymyran tolqyndary ádette birneshe mınýt aralyqpen úsh zymyrannan turatyn shaǵyn toptarmen júzege asýda. Alaıda Tel-Avıvke jasalǵan túngi shabýyl 20-dan astam zymyrandy qamtyǵan. Izraıl áskeri 2025 jylǵy maýsymdaǵy qaqtyǵys kezinde Iran iri kólemdi, arasy uzaq úzilispen jasalǵan zalptar qoldanǵanyn atap ótti.
Buǵan deıin TsAHAL tyl qolbasshylyǵy izdestirý-qutqarý jumystary úshin shamamen 20 myń rezervısti jumyldyrǵany habarlanǵan.
Magen David Adom jedel járdem qyzmeti sońǵy shabýyl tolqynynan keıin alǵashynda jańa zardap shekkender týraly aqparat túspegenin málimdedi. Qutqarý brıgadalary yqtımal qulaý oryndaryna jiberildi.
Aıta ketelik Taıaý Shyǵystaǵy ahýal jaıynda myna siltemeden ótip oqı alasyz.