Iran soqqylary AQSh-tyń áskerı nysandaryna baǵyttalǵan — Masýd Pezeshkıan
ASTANA. KAZINFORM - Irannyń qorǵanys operatsııalary tek ıran halqyna qarsy agressııalyq áreketterdiń kózi sanalatyn nysandarǵa baǵyttalǵan. Bul týraly Iran prezıdenti Masýd Pezeshkıan málimdedi, dep habarlaıdy Anadoly.
Iran prezıdenti Masýd Pezeshkıan AQSh pen Izraıl shabýyldary aıasynda óńirde Iranǵa soqqy jasaý úshin paıdalanylyp otyrǵan nysandar Irannyń qorǵanys operatsııalary úshin «zańdy maqsat» bolyp sanalatynyn aıtty.
— Iran árdaıym kórshi memlekettermen tatý kórshilik qaǵıdaty, ulttyq egemendik pen aýmaqtyq tutastyqty ózara qurmetteý negizinde dostyq qatynastardy saqtaýdyń jáne jalǵastyrýdyń mańyzyn atap keledi, — dep jazdy Pezeshkıan amerıkalyq X áleýmettik jelisinde.
جمهوری اسلامی ایران بر حفظ و تداوم روابط دوستانه با دولت های منطقه بر مبنای حسن همجواری و احترام متقابل به حاکمیت ملی و تمامیت سرزمینی همواره تاکید دارد. این امر نافی حق ذاتی ایران برای دفاع از خود در برابر تجاوز نظامی آمریکا و رژیم صهیونیستی نیست.
— Masoud Pezeshkian (@drpezeshkian) March 7, 2026
Prezıdenttiń aıtýynsha, Irannyń qorǵanys operatsııalary tek ıran halqyna qarsy agressııalyq áreketterdiń kózi bolyp otyrǵan nysandarǵa baǵyttalǵan. Ol olardy «zańdy maqsattar» dep atady.
Sonymen qatar, Iran kórshi ári dostas elderge shabýyl jasamaǵanyn aıtyp, soqqylar óńirdegi AQSh-tyń áskerı bazalaryna, nysandary men ınfraqurylymdaryna baǵyttalǵanyn jetkizdi.
Buǵan deıin memlekettik telearna arqyly jasaǵan málimdemesinde Masýd Pezeshkıan Irannyń «kórshi elder aýmaǵyna tıgen soqqylary» úshin keshirim suraǵan edi.
