Iran SІM Italııany AQSh pen Izraıldiń shabýylyna qatysy bar dep aıyptady
ASTANA. KAZINFORM – Iran Syrtqy ister mınıstrliginiń resmı ókili Esmaıl Bagaı áskerı agressııa jasaǵan taraptarǵa tehnıkalyq jáne logıstıkalyq qoldaý kórsetý halyqaralyq quqyqty óreskel buzý ekenin málimdedi.
Bul týraly IRNA agenttigi habarlady.
Bagaıdiń aıtýynsha, agressorlarǵa tehnıkalyq kómek kórsetý olardyń zańsyz áreketterine tikeleı qatysýmen teń.
«Bir jaǵynan agressorlarǵa qandaı da bir kómek kórsetilgen joq dep jarııa túrde málimdeledi, ekinshi jaǵynan olarǵa "tehnıkalyq jáne logıstıkalyq qoldaý" kórsetilgeni moıyndalady. Dál osy qyzmetter AQSh pen Izraıldiń Iranǵa qarsy zańsyz agressııalyq soǵysyn júzege asyrýǵa múmkindik berdi ári ony jeńildetti», – dep jazdy Esmaıl Bagaı X áleýmettik jelisindegi paraqshasynda.
Osylaısha Iran SІM ókili Italııa bıliginiń Iranǵa jasalǵan sońǵy soqqylardaǵy rólin tek tehnıkalyq qoldaýmen shekteldi dep túsindirgen málimdemesine jaýap berdi.
«Agressorlarǵa tehnıkalyq jáne logıstıkalyq kómek kórsetý – zańsyz soǵys júrgizýge tikeleı ári ashyq qatysý, agressııanyń aıqyn kórinisi jáne halyqaralyq quqyqty óreskel buzý bolyp tabylady», – dedi Iran SІM-niń resmı ókili.
Aıta keteıik, AQSh Ormýz buǵazynda kemege jasalǵan shabýyldan keıin Iran nysandaryna soqqy bergeni habarlanǵan bolatyn.
