Iran SІM basshysy: Munaı baǵasy óse berýi múmkin
ASTANA.KAZINFORM - Irannyń syrtqy ister mınıstri Abbas Aragchı munaı baǵasy aldaǵy ýaqytta da ósýi yqtımal ekenin aıtyp, bul jaǵdaıǵa AQSh pen Izraıl jaýapty ekenin málimdedi, dep jazady Anadoly.
Mınıstr qazirgi ýaqytta munaı baǵasy aıtarlyqtaı qymbattaǵanyn atap ótti.
-Aımaqta AQSh pen Izraıl júrgizip otyrǵan saıasatty eskersek, munaı baǵasy aldaǵy ýaqytta da óse berýi ábden múmkin, — dedi ol.
Aragchı aımaqtaǵy jaǵdaıdyń ýshyǵýyna AQSh pen Izraıldi kinálap, «óńirdi apatqa uryndyrǵan osy memleketter jaýap berýi tıis» ekenin aıtty.
- Izraıl men AQSh-tyń shabýyldaryna qaramastan, halqymyz mıllıondap kóshege shyqty, — dedi ol.
Mınıstrdiń sózinshe, Tegeranda ǵana emes, eldiń barlyq qalasynda Islam Respýblıkasy Ierýsalımdi qoldaýǵa daıyn ekenin kórsetti.
-Palestına men biz kóp jyldan beri qorǵap kele jatqan barlyq qundylyqtardy qoldaýdy jalǵastyramyz. Biz osy tabandylyqpen áreket ete beremiz, al qarsylastarymyz ıran halqynyń kúshin moıyndaýǵa májbúr bolady, — dep túıindedi Iran SІM basshysy Tegeranda ótken «Ierýsalım kúni» sherýine qatysyp, «Anadoly» agenttiginiń tilshisine bergen subatynda.
Osyǵan deıin álemde munaı baǵasy 2022 jyldan bergi eń joǵary deńgeıge jetkeni týraly jazǵan edik.
Sondaı-aq 32 el munaı baǵasyn turaqtandyrý úshin strategııalyq qor ashatyny týraly jazdyq.
