Iran SІM AQSh-pen kelissóz bolǵanyn joqqa shyǵardy
ASTANA. KAZINFORM — Iran Syrtqy ister mınıstrliginiń resmı ókili Ismaıl Baǵaı sońǵy 24 kún ishinde AQSh-pen eshqandaı kelissóz ben dıalog bolmaǵanyn málimdedi. Ol sondaı-aq Islam Respýblıkasynyń Ormýz buǵazy men qaqtyǵysty aıaqtaý sharttaryna qatysty ustanymy ózgermegenin atap ótti. Bul týraly IRNA jazdy.
Iran Islam keńesi májilisiniń tóraǵasy Mohammad-Bager Ǵalıbaf ta AQSh-pen kelissózder júrgizilmegenin rastady.
— AQSh-pen eshqandaı kelissóz bolǵan joq. Jalǵan aqparat qarjy jáne munaı naryqtaryn manıpýlıatsııalaý úshin taratylady, — dep jazdy ol X áleýmettik jelisinde.
Aıta keteıik, buǵan deıin AQSh prezıdenti Donald Tramp sońǵy eki kúnde AQSh pen Iran arasynda «óte jaqsy jáne nátıjeli kelissózder» ótkenin málimdegen edi.
