Iran Sırııa jónindegi konferentsııaǵa qatysýǵa kelisim berdi
ASTANA. 2 maýsym. QazAqparat - Iran Sırııadaǵy ahýaldy retteý boıynsha halyqaralyq konferentsııaǵa arnaıy shaqyrtý alǵan jaǵdaıda qatysady.
Reseıdiń «Jańalyqtar» agenttiginiń habarlaýynsha, bul jaıynda Máskeýde Iran elshisi Seıed Mahmýdreza Sadjadı málim etken.
«Biz bul konferentsııaǵa qatysýǵa daıynbyz. Egerde Iran konferentsııaǵa shaqyrylatyn bolsa, onda esh kúmánsiz biz sırııalyq daǵdarysty retteý máseleleriniń kelissóz úderisterine belsendi qatysatyn bolamyz. Degenmen, ázirshe resmı shaqyrý túse qoıǵan joq», - dedi elshi.
Buǵan deıin RF SІM basshysy Sergeı Lavrov Reseı men AQSh bastamashy bolyp otyrǵan Sırııa boıynsha halyqaralyq konferentsııaǵa Irannyń qatysýy qajettigin aıtqan edi. Degenmen maýsym aıynyń sońynda Jenevada ótetin bul forýmǵa Tehrannyń qatysýyna Frantsııa qarsylyq tanytyp otyr.
