Iran sheteldikterge baqylaýdy kúsheıtti
ASTANA. KAZINFORM – Iran parlamenti elge keletin sheteldikterge baqylaýdy kúsheıtti.
Parlament depýtattarynyń tıisti sheshimi týraly Tasnim agenttigi parlamenttiń ishki ister komıssııasynyń tóraǵasy Mohammad Saleh Djokarǵa silteme jasap habarlady.
Atap aıtqanda, Iranǵa kelgen sheteldikter úshin kepildik engiziledi. Endi Islam Respýblıkasy aýmaǵynda bolýdy josparlaǵandardan belgili bir somany depozıtke salý talap etilip, elden shyqqannan keıin qaıtarylady.
Kepil kólemi ázirge belgilengen joq. Ony eldiń Іshki ister mınıstrligi anyqtaıdy.
Sonymen qatar, basylym shetel azamattarynyń máseleleri boıynsha erejelerdi ázirleıtin «Basqarý keńesi» qurylǵanyn habarlady.
Tamyz aıynda Iran shekara polıtsııasynyń qolbasshysy, brıgada generaly Ahmad Álı Gýdarzı zańsyz mıgranttar Irannan 2025 jyldyń 21 naýryzyna deıin ketýi kerek dep málimdegen.
Onyń aıtýynsha, bul saıasat eldiń qaýipsizdigi úshin halyqtyń qalaýy boıynsha júzege asyrylyp jatyr.
Iranǵa ásirese Aýǵanstan azamattary kóship keletini atalyp ótti.
