Iran sheteldik ushqyshsyz basqarylatyn ushaqty ustady
ASTANA. 24 aqpan. QazAqparat - Iran qarýly kúshteri óz terrıtorııasy arqyly ótken ushqyshsyz basqarylatyn ushaqty ustaǵanyn málimdedi.
«Elimizdiń elektrondy baqylaý quraldary ushqyshsyz basqarylatyn sheteldik ushaqty Sırdjan qalasy mańynda anyqtap, ony qashyqtan basqarý amaldary arqyly qolǵa túsirdi», - deıdi Iran Islam Respýblıkasy qarýly kúshteriniń baspasóz hatshysy, general Hamıd Sarheılı. Ushqyshsyz basqarylatyn ushaq keshe, aqpannyń 23-i kúni Irannyń ońtústiginde ótken áskerı oqý-jattyǵýlar kezinde anyqtalǵan. Ol - sheteldik derjavanyń ushaǵy. Biraq qaı el ekendigi aıtylmaı otyr.
