Iran Shanhaı yntymaqtastyq uıymyna qosyldy

BEIJІŃ.TASS – QazAqparat - Shanhaı yntymaqtastyq uıymy (ShYU) seısenbi kúni Irannyń qaýymdastyqqa múshe elder qataryna kirýin resmı túrde jarııalady, bul sheshim Úndistannyń tóraǵalyǵymen ótken uıymnyń 23-shi sammıtinde qabyldandy, dep habarlaıdy QazAqparat reseılik TASS agenttigine silteme jasap.

Iran memleketaralyq birlestiktiń toǵyzynshy múshesi boldy. 2022 jyldyń qyrkúıeginde Samarqandta ótken ShYU-nyń sammıtinde Irannyń uıymǵa qosylýy týraly memorandýmǵa qol qoıylǵan.

ShYU 2001 jyly 15 maýsymda Shanhaıda qurylǵan bolatyn. Alǵashynda uıymǵa alty memleket – Qazaqstan, Qytaı, Qyrǵyzstan, Reseı, Tájikstan jáne Ózbekstan kirse, 2017 jyly olarǵa Úndistan men Pákistan qosyldy.