Iran saýda kemeleri úshin Ormýz buǵazyn jappaýǵa ýáde berdi

ASTANA.KAZINFORM - Italııa Syrtqy ister mınıstri jáne Premer-mınıstrdiń orynbasary Antonıo Taıanı ırandyq áriptesi Abbas Aragchımen bolǵan áńgimesi týraly baıandady, dep habarlaıdy Trend.

Onyń aıtýynsha, ırandyq áriptesi Abbas Aragchımen áńgimelesý barysynda Irannyń saýda kemeleri úshin Ormýz buǵazyn jabý nıeti joq ekenin jetkizdi.

- Men ırandyq mınıstrden ońdy habar aldym. Ol Irannyń Ormýz buǵazyndaǵy saýda kemeleriniń qozǵalysyna kedergi jasaǵysy kelmeıtinin aıtty, - dep qosty ol.

Aqparat agenttiginiń habarlaýynsha, Ormýz buǵazy álemdegi suıytylǵan tabıǵı gazdyń 30 paıyzyn jáne jahandyq munaı eksportynyń 20 paıyzyn qamtamasyz etedi. Buǵaz arqyly kúnine 20 mıllıon barrelge deıin munaı tasymaldanady, bul dúnıejúzindegi jalpy kólemniń besten bir bóligin quraıdy. Buǵaz mańyzdy saýda joly sanalady.

Aıta keteıik, álemdik munaı naryǵy Izraıl men Irannyń qarqyndy soqqy almasýyna qatty áser etti.

Osyǵan deıin Irannyń Izraılge áskerı qaqtyǵystardy toqtatý jónindegi usynysynan keıin munaı baǵasy 3,2%-ǵa tómendegeni týraly jazdyq.