Iran sarapshylary Qazaqstannyń táýelsizdiktiń 30 jylyndaǵy jetistikterin talqylady
Oǵan Irannyń sarapshylyq jáne taldaý ortalyqtary ókilderiniń, isker toptardyń, kórneki mádenıet qaıratkerleri, sondaı-aq Qazaqstan dostary qatysty.
Dóńgelek ústeldiń negizgi baıandamashylary Qazaqstan Respýblıkasynyń Iran Islam Respýblıkasyndaǵy Elshisi A.Orazbaı, EYU Mádenıet ınstıtýtynyń prezıdenti S.Bahtı, Irannyń Qazaqstan Respýblıkasyndaǵy eks-elshisi M.Damırchılý, TMD men Ortalyq Azııa boıynsha jetekshi sarapshylar - Allame Tabatabaı ýnıversıtetiniń halyqaralyq ǵylymı yntymaqtastyq departamentiniń basshysy professor M.Tısheıar men Tegeran ýnıversıtetiniń professory E.Kolaı boldy.
Elshi A.Orazbaı is-sharaǵa qatysýshylarǵa Qazaqstannyń egemendik alǵan kúnnen bergi negizgi jetistikteri, elimizde júrgizilgen jáne júzege asyrylyp jatqan reformalar, syrtqy saıası bastamalardy júzege asyrýdaǵy tabystary týraly egjeı-tegjeıli baıandady.
QR Tuńǵysh Prezıdenti - Elbasy N.Á.Nazarbaevtyń respýblıkanyń qalyptasýy men damýyna qosqan róli men qosqan úlesi erekshe atap ótildi, sonymen qatar qazirgi Memleket basshysy Q.K.Toqaevtyń saıasaty men basymdyqtary týraly tolyq aqparat berdi.
Qazaqstan táýelsizdiginiń tańynda dıplomatııalyq qarym-qatynas ornaǵannan beri Qazaqstan-Iran yntymaqtastyǵynyń damýyndaǵy tabystarǵa erekshe nazar aýdaryldy.
EYU Mádenı ortalyǵynyń prezıdenti S.Bahtı Qazaqstannyń táýelsiz damýy jyldaryndaǵy basty tabysy retinde eldiń óz óńiriniń kóshbasshysy retinde tanylýyn atady.
Oǵan dálel retinde Qazaqstan Respýblıkasynyń joǵary ekonomıkalyq kórsetkishterin jáne 350 mıllıard dollardan astam tartylǵan ınvestıtsııa kólemin keltirdi.
Ol memlekettiń ǵylymı jáne bilim berý salasyndaǵy jetistikteri erekshe atap ótip, Prezıdent Q.Toqaevtyń «500 ǵalym» jobasyna joǵary baǵa berdi.
Taǵy bir mańyzdy jetistik dep ol Qazaqstan Respýblıkasynyń astanasy - Nur -Sultan eldiń basty qalasy retinde ǵana emes, sonymen qatar beıbitshilikti nyǵaıtýǵa qaýipsizdik, álemdik mádenıettiń birigýine qosqan úlesi úshin ıÝNESKO-nyń «Beıbitshilik qalasy» syılyǵyn alǵanyn atady.
Sonymen qatar, Irannyń Qazaqstandaǵy burynǵy elshisi M.Damırchılý Qazaqstannyń damýy týraly óz áserimen bólisti, ol Qazaqstan Respýblıkasyndaǵy Iran Elshiligin basqara otyryp, onyń jekelegen kezeńderin el ishinen jeke baqylaýdyń tarıhı múmkindigin atap ótti.
Ol ekijaqty qatynastardyń berik negizin qalaǵan jáne olardyń odan ári damýyna qýatty serpin bergen memleketter jáne syrtqy ister vedomstvolary basshylarynyń alǵashqy ózara saparlary týraly aıtty.
Ol memleketaralyq qatynastardy nyǵaıtýda Irandaǵy qazaq dıasporasynyń erekshe rólin atap ótti.
Tegeran ýnıversıtetiniń professory E.Kolaı qazaqstandyq damý jolyn memlekettik damý standarty jáne óz halqynyń laıyqty ómir súrý deńgeıin qamtamasyz etýdiń etalony dep baǵalap, Qazaqstan táýelsizdiginiń alǵashqy kúnderinen bastap qabyldanǵan kópvektorly syrtqy saıasattyń parasattylyǵyn atap kórsetti.
Onyń sózinde jas memleket tabysynyń kilti etnosaralyq kelisim men dinaralyq dıalogtyń qazaqstandyq buryn-sońdy bolmaǵan úlgisi ekeni erekshe nazar aýdarýǵa turarlyq jáne ony tereńirek zertteýdi qajet etetindigi basa aıtyldy.
Tabatabaı ýnıversıtetiniń departament basshysy, professor M.Tısheıar Qazaqstannyń ǵylymı jáne bilim berý salasyndaǵy jetistikterine toqtaldy.
Professor ǵylym men bilim salasyndaǵy yntymaqtastyq deńgeıin joǵary baǵalap, Qazaqstan men Irannyń oqý oryndary arasyndaǵy baılanystardy, stýdent almasý, sonymen qatar qazaq jáne parsy tilderin ózara oqytý salasyndaǵy baılanysty damytýdyń mańyzyn atap ótti.
Dóńgelek ústel qatysýshylarynyń nazaryna Qazaqstannyń táýelsizdik jyldaryndaǵy jetistikteri týraly beınerolık, sonymen qatar memlekettiń negizgi damý kezeńderi men QR Tuńǵysh Prezıdenti - Elbasynyń róli týraly parsy tilindegi kitaptar, Elbasy N.N.Nazarbaev, Prezıdent Q.K.Toqaev Joldaýlarynyń negizgi tezısteri men qazaq aqyny Abaı óleńderiniń mátini usynyldy.
Dóńgelek ústel aıasynda táýelsizdiktiń basty belesteri men mańyzdy oqıǵalardy, sonymen qatar Qazaqstannyń tarıhı eskertkishteri men kórkem jerlerin tanystyrýǵa arnalǵan fotokórme ashyldy.
Qonaqtardyń tamashalaýy úshin qazaq mýzykalyq kompozıtsııalary men ulttyq kádesyı eksponattary usynyldy.
Sondaı-aq, Qazaqstan elshisi Iran Islam Respýblıkasynyń IRNA ulttyq aqparat agenttigine jeke suhbat berdi.
