Iran Sanada áýeden berilgen soqqydan zardap shekkenderge kómek kórsetýge daıyn
ASTANA. QazAqparat - Iran Iemen astanasy Sana qalasynda senbi kúni qaraly jıyn kezinde áýeden berilgen soqqydan zardap shekkenderdi qabyldap, medıtsınalyq kómek kórsetýge daıyn. Bul týraly Iran parlamentiniń tóraǵasy Alı Larıdjanı Iemendik áriptesi Álı ar-Raıge jazǵan hatynda aıtylǵan, dep habarlaıdy QazAqparat tass.ru saıtyna silteme jasap.
«Iran Islam Respýblıkasy Qyzyl Krest pen Qylyz Jarty aı halyqaralyq uıymdarymen birlese otyryp, jaraqat alǵandardy alyp shyǵyp, olarǵa medıtsınalyq kómek kórsetýge daıyn»,-delingen jergilikti aqparat agenttikteri taratqan hat mátininde. Iran senatynyń spıkeri senbi kúni Sanada bolǵan qaıǵyly oqıǵalar kezinde qurban bolǵan azamattardyń otbasylaryna jáne Iemen halqyna kóńil aıtty.
Osyǵan deıin ondaǵan adam qurban bolǵan qaraly rásimge áýeden soqqy berý jónindegi sharany Iran Syrtqy ister mınıstrligi men osy eldiń Joǵary Ulttyq qaýipsizdik keńesi qatań aıyptaǵan bolatyn. Irannyń Syrtqy ister mınıstrliginiń resmı ókili atalǵan áreketti «adam tózgisiz qylmys», «aıýandyq áreket» dep baǵalady.
Kóterilisshi-hýsıtterdiń aıtýynsha, («Ansar Allah» sheıittik qozǵalysyn jaqtaýshylar) Saýd Arabııasy basqarǵan koalıtsııa ushaqtary senbi kúni Sana qalasynyń ortalyǵyndaǵy qaraly jıynǵa birneshe márte soqqy bergen. Sonyń nátıjesinde 700-ge jýyq adam jaraqat alyp, birqatary mert boldy.
