Iran, Reseı jáne Qytaı Irannyń ıadrolyq baǵdarlamasy boıynsha kelissóz júrgizdi
ASTANA. KAZINFORM — 22 shildede Tegeranda Iran, Reseı jáne Qytaı ókilderiniń úshjaqty kezdesýi ótti. Kelissózdiń basty taqyryby Irannyń ıadrolyq baǵdarlamasy tóńiregindegi daǵdarysty retteý máselesi boldy, dep habarlaıdy TASS agenttigi.
Tasnim agenttiginiń habarlaýynsha, taraptar konsýltatsııalardy jalǵastyryp, Irannyń ıadrolyq baǵdarlamasyna qatysty daǵdarysty sheshý úshin óz áreketterin úılestirýge kelisti. Kezdesýlerdiń «aldaǵy aptalarda ártúrli deńgeıde» jalǵasatyny atap ótildi.
Agenttik sondaı-aq Reseı jáne Qytaı delegatsııalarynyń basshylary Iranǵa sapary barysynda Syrtqy ister mınıstriniń saıası máseleler jónindegi orynbasary Madjıd Taht-Ravanchı jáne basqa da birqatar ırandyq dıplomattarmen jeke-jeke kezdeskenin jazdy.
Aıta keteıik, Iran 25 shildede óziniń ıadrolyq baǵdarlamasy boıynsha Ulybrıtanııa, Frantsııa jáne Germanııamen kelissóz júrgizedi.