Iran, Reseı, Túrkııa DAISh-pen kúresin jalǵastyrady - birlesken málimdeme

ASTANA. QazAqparat - QR Syrtqy ister mınıstri Qaırat Ábdirahmanov Astanada ótken sırııalyq retteý jónindegi halyqaralyq kezdesý (Astana protsesi) boıynsha Iran, Reseı jáne Túrkııanyń birlesken málimdemesin jarııa etti.

«Biz bul kelissózderge BUU Bas hatshysynyń Sırııa jónindegi arnaýly elshisiniń qatysýyn baǵalaımyz jáne BUU Qaýipsizdik Keńesi kepil beretin mýltıetnıkalyq, kópkonfessııaly el retinde Sırııa Arab Respýblıkasynyń egemendigi men tutastyǵy ıdeıasynan aınymaıtyndyǵymyzdy qýattaımyz. Biz bul máseleniń áskerı sheshimi joq ekendigine senimdimiz jáne ol BUU QK-niń 2354 qararyn júzege asyrý negizindegi saıası protsespen ǵana sheshile alady» - delingen birlesken málimdemede.

Onyń aıtýynsha, málimdemede BUU QK qararynda soǵysty toqtatý rejimine shoǵyrlandyrýdaǵy taraptardyń naqty qadamdary men jaýapkershiligi, zorlyq-zombylyqty tómendetý, senimdi qalpyna keltirý, sonymen qatar Sırııadaǵy azamattyq tulǵalardyń júrip-turýyn qorǵaý qarastyrylǵan.

«Úshjaqty mehanızm qurý týraly sheshim qabyldandy. Ol soǵysty toqtatý rejiminiń tolyq saı kelýin, arandatýshylyqtyń bolmaýyn jáne basqa da tıisinshe máselelerdi qadaǵalaýy tıis. Biz DAISh-ke qarsy kúresimizdi jalǵastyratyndyǵymyzdy jáne olardan qarýly oppozıtsııanyń basqa bólikterin bólýdi qýattaımyz», - dedi  málimdemeni oqyǵan Qaırat Ábdirahmanov.