Iran radar jáne zymyran tehnıkalarynyń jańa úlgilerin synaqtan ótkizdi
ASTANA. QazAqparat - Iran radar ján zymyran tehnıkalarynyń jań úlgilerin synaqtan ótkizdi, dep habarlady ITAR-TASS.
«Hatm ál-Ánbııa» ÁShQ bazasy qolbasshysynyń orynbasary general Álı Reza Sabbahıfardtyń málimdeýinshe, olar «Isbah ál-Hoda» kodtyq ataýymen júrgizilgen manevrler kezinde boldy. Parsy shyǵanaǵyndaǵy Kısh araly jattyǵý ortalyǵy boldy, onda jańa tehnıkaǵa ıe bolǵan áýe shabýylynva qarsy qorǵanys bólimsheleri ornalasqan.
Fars agenttigi urys jaǵdaıyna barynsha jaqyndatylǵan túrde jańa prespektıvaly zenıt zymyrandary, radarlar men artıllerııa júıeleri synaqtan ótkizildi. Sabbahfardtyń aıtýynsha, manevrler eldiń ártúrli aýdandarynda birneshe kezeńmen ótkizilgen.
«Sóıtip, biz qarýlardyń jańa úlgilerine baǵa berýmen qatar, eldiń ÁShQ áskerleriniń jaýyngerlik daıarlyǵynyń naqty dárejesin aıqyndaýǵa múmkindik aldyq», - dep atap ótti general.
«Hatam ál-Ánbııa» bazasy zymyran qarýlary men radar júıesiniń zamanaýı túrleri jasalatyn ozyq ortalyq bolyp tabylady. «Rassıd-32» dep atalatyn olardyń biri Kıshtegi manevrler kezinde synaqtan ótti. Júıe qarsylastyń áýedegi ushý maqsattarynyń bıiktigi, jyldamdyǵy jáne baǵyty týraly aqparat jınaýǵa arnalǵan. Budan keın bul málimetter avtomatty túrde 15 shaqyrymǵa deıingi qashyqta ornalasqan ÁShQ komandalyq pýnktterine jiberiledi.
