Iran prezıdenttigine alǵashqy áıel úmitker retinde tirkeldi
ASTANA. KAZINFORM — Irannyń burynǵy depýtaty, ǵalym Zohre Elahıan prezıdent Ibrahım Raısı ushaq apatynan qaıtys bolǵannan keıin belgilengen kezekten tys prezıdent saılaýyna úmitker retinde tirkelgen alǵashqy áıel boldy. Bul jaıynda Mehr agenttiginen habarlandy.
— Islam Iran aspanynan úmit nury kórindi. Óz elimniń áıelder qoǵamynyń ókili retinde saılaý keńsesine qujattardy tapsyrdym, — dep jazdy Elahıan óziniń X paraqshasynda.
Úsh kúnde prezıdent saılaýyna qatysýǵa 17 adam ótinish bildirgen.
Olardyń arasynda parlamenttiń burynǵy basshysy Álı Larıdjanı, Ortalyq banktiń burynǵy basshysy Abdýl Nasyr Hemmatı, Islam revolıýtsııasy Saqshylar korpýsynyń burynǵy qolbasshysy general Vahıd Hagganıan, Tegeran meri Alıreza Zakanı jáne Irannyń rýhanı jetekshisi Aıatollanyń Ulttyq qaýipsizdik Joǵary keńesindegi ókili Saıd Djalılı bar.
Iran parlamentiniń qazirgi alty múshesi jáne burynǵy bes múshesi de saılaýǵa túskisi keletinin bildirgen.
Úmitkerlerdi tirkeý 30 mamyrda bastalyp, 3 maýsymǵa deıin jalǵasady.
First female candidate enters #Iran's presidential election race
— Iran’s Today (@Iran) June 1, 2024
Former Iranian lawmaker Zohre Elahian registered as a possible candidate in the Islamic Republic’s June 28 presidential election on Saturday.
Iranian politicians Masoud Pezeshkian, Alireza Zakani, Seyyed Ahmad… pic.twitter.com/bYycLzyXgA
4 maýsymnan bastap Konstıtýtsııany saqtaýshylar keńesi kandıdattardy bir apta boıy qarap, kandıdattyń el prezıdenti laýazymyna saı keletin-kelmeıtinin anyqtaıdy.
Sońǵy tizim 11 maýsymda jarııalanady.
Saılaý naýqany eki aptaǵa — 12 maýsymnan 26 maýsymǵa deıin jalǵasady.
Saılaýǵa bir kún qalǵanda «únsizdik kúni» jarııalanady, bul ýaqytta úgit-nasıhat jumysyn júrgizýge tyıym salynady.
Prezıdent saılaýy 28 maýsymda ótedi. Ekinshi týr qajet bolǵan jaǵdaıda 5 shildege belgilenedi.
31 mamyrda Irannyń saılaýaldy shtabynyń ókili Mohsın Islamı úsh áıeldiń «shartqa saı kelmegeni úshin» tirkelmegenin habarlaǵan.
#BREAKING #Iran Zohre Elahian, the first woman to register for Iran’s snap presidential election following the death of President Ibrahim Raisi.
— The National Independent (@NationalIndNews) June 1, 2024
Footage: SNN pic.twitter.com/IBYboaoWqn
