Iran prezıdentiniń uly joǵary laýazymǵa taǵaıyndaldy

ASTANA. KAZINFORM – Iran prezıdenti Masýd Pezeshkıannyń úlken uly ıÝsýf Pezeshkıan prezıdent ákimshiligi basshysynyń baspasóz jónindegi keńesshisi jáne kómekshisi bolyp taǵaıyndaldy. Bul týraly «Azat Iran» Telegram arnasy habarlady.

Bul laýazymǵa taǵaıyndaýdy prezıdent apparatynyń basshysy Mohsın qajy Mırzaı jasaǵany atap ótildi. ıÝsýf Pezeshkıan Irannyń bedeldi tehnıkalyq ýnıversıtetteriniń biri Sharıf tehnologııalyq ýnıversıtetinde ǵaryshtyq sáýleler fızıkasy boıynsha bilim alyp, bakalavr, magıstr jáne doktorantýra dárejesin alǵan. Ol sonymen qatar Sahand tehnologııalyq ýnıversıtetinde jumys istegen.

– Sondaı-aq, Masýd Pezeshkıannyń kúıeý balasy Hasan Madjıdıdiń Iran prezıdenti ákimshiligi basshysynyń arnaıy kómekshisi bolyp taǵaıyndalǵanyn atap ótken jón, – delingen habarlamada.

Aıta keteıik, Masýd Pezeshkıan ústimizdegi jyldyń shilde aıynda ótken prezıdenttik saılaýda jeńiske jetti.