Iran prezıdentine úmitkerler sany jarty myńǵa jýyqtady
ASTANA. 12 mamyr. QazAqparat - Dálirek aıtsaq. 455 adam. Prezıdenttikke úmitker retinde tirkelýdiń sońǵy kúni keshe aıaqtaldy. Tek sońǵy kúnniń ishinde ǵana júzge tarta ótinim berildi, dep habarlaıdy reseılik «Jańalyqtar» agenttigi.
Jarty myńǵa jýyq úmitkerdiń 14-i - áıelder. Barlyq tilek bildirýshilerdi Islam revolıýtsııasyn qorǵaý korpýsy - elde ıslamdyq quqyq normalarynyń saqtalýyn baqylaıtyn organ tekserýi tıis.
Prezıdenttikke úmitkerlerdiń túpkilikti tizimi 23 mamyrda jarııalanady. «Azattyq» radıosy Iranda prezıdent saılaýy 14 maýsymda ótetin eske salady.
Jańa memleket basshysy ókildik merzimi aıaqtalyp kele jatqan qazirgi prezıdent Makhmud Ahmedınejadtyń ornyn basady.
