Iran Prezıdenti jumysqa metromen bardy
ASTANA. QazAqparat - Iran Prezıdenti Hasan Rýhanı dúısenbi kúni jumysqa metromen bardy, dep habarlaıdy Irannyń «Fars» aqparattyq agenttiginen. Bul týraly trend.az saıty jazdy.
Metronyń «Azadı» stansasynan «Imam Álı» stansasyna deıin jetken Rýhanı jol boıy jolaýshylarmen sóılesip, olardyń problemalaryn tyńdap shyqty.
19 qańtar kúni Iranda «Taza aýa» kúni atap ótiledi, osyǵan baılanysty Hasan Rýhanı metromen ekologııalyq taza qoǵamdyq kólik túrleriniń biri retinde qoldanǵan.
Prezıdentpen birge Ekologııa jáne qorshaǵan orta boıynsha uıymnyń tóraıymy Masýma Ibtıkar júrdi.
Sonymen qatar, bul kúni qoǵamdyq kólikterge Irannyń basqa resmı tulǵalary mindi.
