Iran prezıdenti Roýhanı ekinshi merzimge saılaýǵa túsedi
ASTANA. QazAqparat - Iran prezıdenti Hasan Roýhanı ekinshi merzimge saılaýǵa túsedi. ISNA agenttiginiń aqparatyna sáıkes ol 19 mamyrda ótetin prezıdenttik saılaýǵa kandıdat retinde tirkelý úshin IIR ІІM-ge keldi.
Bul týraly TASS habarlady.
Irandyq reformatorlar qoldaıtyn Roýhanıdiń prezıdenttik básekede jeńýine barlyq múmkindikter bar. Oǵan Irannyń revolıýtsııalyq kúshiniń ulttyq maıdany konservatıvtik partııa alıansynan kandıdat Ebrahım Raısı básekeles bola alady.
Irannyń tórt burynǵy prezıdentteri - IIR qazirgi kóshbasshysy aıatolla Alı Hameneı (1981-1989 jyldary prezıdent bolǵan), Álı Akbar Hashemı-Rafsandjanı (1989-1997), Mohammad Hatamı (1997-2005) jáne Mahmýd Ahmadınejad (2005-2013) - ózgerissiz ekinshi merzimge qaıta saılandy.
Iran Konstıtýtsııasynda Prezıdentti úsh merzimge saılaýǵa tyıym salynǵan.
