Iran Prezıdenti: Bizdiń qurama eńsesi túspegen kúıde alańnan ketti
ASTANA. QazAqparat - Irannyń kóptegen qalalarynyń turǵyndary ulttyq quramalarynyń tek qosymsha ýaqytta ǵana bir gol jiberip, álemniń eń azýly komandalarynyń biri Argentına quramasynan 0:1 esebimen utylǵanyna dán rıza, dep jazady sheteldik BAQ.
Oıynnyń negizgi ýaqytynda Iran komandasy argentınalyqtardyń qanshama shabýylyna tótep berip, keı sátterde ózderi de gol salýǵa shaq qalǵan.
Olardyń aıtýynsha, oıynnyń eń sońǵy shabýyly kezinde ǵana Messı sheberlik tanytyp, Iran qaqpasynan sańylaý tapqan.
Iran Prezıdenti Hasan Rýhanı da bul jaıynda: «Iran komandasy alańdy eńsesi túspegen kúıde tastap shyqty», - depti. Al, eldiń syrtqy ister mınıstri Djavad Zarıf bolsa: «Bizdiń qurama barlyq ırandyqtardy óz eline degen maqtanysh sezimine bóledi» dep oıynǵa baǵa beripti.
Biraq, Iran quramasynyń áli de F tobynan shırek fınalǵa shyǵýǵa múmkindigi bar.
