Iran Prezıdenti Júrek ortalyǵyna bardy
ASTANA. KAZINFORM — Qazaqstan Respýblıkasyna resmı sapary aıasynda Iran Islam Respýblıkasynyń Prezıdenti, doktor Masýd Pezeshkıan «Astana» medıtsınalyq ortalyǵy» KEAQ-na qarasty University Medical Center (UMC) Júrek ortalyǵyna bardy. Mártebeli meımanǵa ortalyq jumysyn Premer-Mınıstrdiń orynbasary Aıda Balaeva tanystyrdy.
Álemge tanymal bedeldi kardıohırýrgtardyń biri retinde Iran Prezıdenti qazaqstandyq áriptesteriniń jumysyn kórdi. Aıda Balaevamen áńgime barysynda medıtsına salasynyń ártúrli baǵyttarynda, sonyń ishinde kásibı bilim berý boıynsha yqtımal birlesken jobalardyń keń aýqymy talqylandy.
Densaýlyq saqtaý mınıstrligi habarlaǵandaı, «Astana medıtsınalyq ýnıversıtetiniń» professor-oqytýshylar quramymen, dárigerlermen jáne stýdenttermen ótken kezdesý sońynda Iran Prezıdentine Qurmetti professor ataǵy berildi.
Aıta keteıik, Qasym-Jomart Toqaev qazaq-ıran qarym-qatynasyn nyǵaıtýǵa zor úles qosyp kele jatqan Prezıdent Masýd Pezeshkıanǵa alǵys aıtty.