Iran prezıdenti shabýyldan zardap shekken kórshi elderden keshirim surady

ASTANA. KAZINFORM – Memlekettik telearna arqyly jasaǵan óziniń málimdemesinde Masýd Pezeshkıan Irannyń kórshi elderge jasaǵan shabýyly úshin keshirim surady, dep habarlaıdy Irna.

-Shabýylǵa ushyraǵan kórshi elderden keshirim suraý kerek. Bizdiń kóshbasshymyz jáne bizdiń tálimgerlerimiz elimizge basyp kirgen jaýǵa qarsy kúreste mert boldy. Bizdiń Qarýly Kúshterimiz ózderin qurban etýge daıyn jáne eldiń terrıtorııalyq tutastyǵyn saqtaý úshin ómirlerin qaterge tikti. Olar qolbasshylary joq kezde jerimizdi abyroımen, kúshpen qorǵaý úshin qajettiniń bárin istedi. Bizdiń kórshi elderge shabýyldaý nıetimiz joq. Óıtkeni olar bizdiń baýyrlarymyz jáne biz beıbitshilik pen tynyshtyq ornatý úshin olarmen birge bolýǵa tyrysyp kelemiz,-dedi Iran prezıdenti.

Ol Kóshbasshynyń ýaqytsha keńesinde budan bylaı eger ózderi qarsy shyqpasa, kórshi elderge shabýyldamaý týraly sheshim qabyldanǵanyn jetkizdi.

-Bul másele dıplomatııalyq jolmen sheshilýi kerek, - dep qosty ol.

Osyǵan deıin Iran prezıdenti dostas jáne kórshiles elderge úndeý jasaǵan bolatyn.