Iran prezıdent Pezeshkıannyń otstavkaǵa ketkeni týraly aqparatty joqqa shyǵardy
ASTANA. KAZINFORM – Iran prezıdenti ákimshiliginiń kommýnıkatsııalar departamenti basshysynyń orynbasary Mehdı Tabatabaı prezıdent Masýd Pezeshkıannyń otstavkaǵa ketkeni týraly aqparatty joqqa shyǵardy. Bul týraly Anadolý jazdy.
Tabatabaı bul málimdemeni X áleýmettik jelisinde taraǵan habarlamalarǵa baılanysty jasady. Ol Masýd Pezeshkıannyń halyqqa qyzmet etýden bas tartpaıtynyn atap ótip, prezıdenttiń qyzmetinen ketýi týraly aqparatty teriske shyǵardy.
Tabatabaı mundaı málimdemelerdi keıbir sheteldik buqaralyq aqparat quraldarynyń kezekti «oıyndarynyń» jalǵasy dep atady.
Sondaı-aq ol Iran halqynyń birligi men yntymaǵynan aınymaıtynyn aıtty.
– Irandyqtardyń ulttyq birligin buzyp, iritki salýǵa baǵyttalǵan áreketter taǵy da sátsizdikke ushyrady, – dedi Mehdı Tabatabaı.
Aıta keteıik, AQSh ustanymyn ózgertse, Iran kelissózderdi qaıta bastaýǵa daıyn ekenin Pezeshkıan málimdedi.
