Iran prezıdenti otstavkaǵa ketetini týraly aqparatty joqqa shyǵardy
ASTANA. KAZINFORM — Iran bıligi el prezıdenti Masýd Pezeshkıannyń otstavkaǵa ketýi múmkin degen aqparattarǵa qatysty túsinikteme berdi, dep habarlaıdy Kazinform tilshisi.
Iran prezıdenti Masýd Pezeshkıan qyzmetinen ketýdi josparlamaıtynyn jáne óz mindetin atqara beretinin málimdedi. Bul týraly ol aldyn ala jazylǵan beıneúndeýinde aıtty. Úndeýdiń úzindilerin seısenbi kúni Irannyń memlekettik IRNA aqparat agenttigi jarııalady.
— Eger men otstavkaǵa ketetin bolsam, bul týraly ózim ashyq túrde málimdeımin. Men qyzmetten ketpeımin, kúresimdi jalǵastyramyn, — dedi Pezeshkıan taraǵan qaýesetterge jaýap berip.
Iran prezıdenti sondaı-aq eldiń Joǵarǵy kóshbasshysy Modjtaba Hameneı men qarýly kúshter arasynda, sondaı-aq ózimen olardyń arasynda kelispeýshilik bar degen aqparatty joqqa shyǵardy.
Iran’s Supreme Leader Mojtaba Khamenei warned President Masoud Pezeshkian that he would accept his resignation if he submitted it again, prompting him and other senior officials to back down, senior cleric Mohammad-Bagher Kharrazi, a relative of Mojtaba Khamenei by marriage,… pic.twitter.com/SlTslC85wW
— Iran International English (@IranIntl_En) August 3, 2026
— Biz tolyq úılesimdi jumys istep jatyrmyz. Eger qandaı da bir qaıshylyq týyndasa, qarýly kúshterdiń Hameneı jaǵynda bolatynyn bári biledi, — dedi ol.
Pezeshkıannyń aıtýynsha, keıbir kúshter prezıdent pen Joǵarǵy kóshbasshy arasynda túsinispeýshilik bar degen pikir qalyptastyrýǵa tyrysyp jatyr. Alaıda mundaı málimdemeler shyndyqqa janaspaıdy.
IRNA agenttiginiń habarlaýynsha, prezıdenttiń tolyq beıneúndeýi seısenbi kúni tórt bólimge bólinip jarııalanady. Onda Pezeshkıan sońǵy eki jyldaǵy úkimet jumysynyń qorytyndysyn jasap, soǵys jaǵdaıy men yqtımal kelissózder máselesine toqtalady.
Buǵan deıin birqatar ırandyq oppozıtsııalyq aqparat quraldary saıasatker Muhammad Bager Harazzıge silteme jasap, Pezeshkıan Modjtaba Hameneıǵa otstavkasyn qabyldaý týraly 28 ret ótinish jasaǵan degen aqparat taratqan bolatyn.
Iran prezıdenti ákimshiligi bul málimetterdi shyndyqqa sáıkes kelmeıdi dep málimdedi.
Iran's presidency rejects claims President Masoud Pezeshkian sought to resign 28 times.
— Kurdistan 24 English (@K24English) August 4, 2026
Officials dismissed Mohammad Bagher Kharrazi's allegations as "pure fabrication" and denied reports of broader political and security reshuffles, saying the claims are unsubstantiated.
Find…
Prezıdent ákimshiligi basshysynyń qoǵammen baılanys jáne aqparat jónindegi orynbasary Mehdı Tabatabaı otstavka týraly áńgimeni «tolyqtaı oıdan shyǵarylǵan aqparat» dep atap, mundaı másele eshqashan qarastyrylmaǵanyn aıtty.
Eske sala keteıik, Iran AQSh-pen Ormýz buǵazy boıynsha kelisim jasalǵany týraly aqparatty joqqa shyǵardy.
Pezeshkıan Iranda reforma júrgizýge daıyn ekenin málimdegen edi.
Iran Islam Respýblıkasynyń Prezıdenti Masýd Pezeshkıan QR Prezıdentiniń Teleradıokeshenine bergen eksklıýzıvti suhbatynda Qasym-Jomart Toqaevtyń basshylyǵymen Qazaqstan Eýrazııanyń negizgi torabyna aınalyp jatqanyn aıtty.
