Iran prezıdenti Máskeýge bardy

Iran prezıdenti Ebrahım Raısı resmı saparmen Máskeýge bardy. Bul týraly Reseıdegi ıslam memleketiniń elshisi Kazem Djalalı málim etti. Kazinform bul týraly TASS-qa silteme jasap habarlaıdy.

«Iran prezıdenti Ebrahım Raısı Máskeýge RF basshysy Vladımır Pýtınmen kezdesýge keldi», - delingen elshiniń H áleýmettik jelisindegi jazbasynda.

Reseıdegi ıslam respýblıkasynyń elshisi Kazem Djalalı atap ótkendeı, oqıǵalar qarqynmen ózgerip jatqan qazirgi jaǵdaıda Iran basshysynyń sapary jáne Tegeran men Máskeýdiń ózara árekettestigi «jańa álemdik tártipti qalyptastyrýǵa mańyzdy úles qosyp otyr».

Sársenbi kúni Kremldiń baspasóz qyzmeti málim etkendeı, Pýtın men Raısıdiń kelissózi barysynda saýda-ekonomıkalyq yqpaldastyq, sonyń ishinde kólik jáne energetıka máseleleri talqylanady, sondaı-aq negizgi halyqaralyq jáne óńirlik taqyryptarǵa qatysty pikir almasý bolady.