Iran prezıdenti kóligi óship qalyp, taksı shaqyrýǵa májbúr boldy
ASTANA. KAZINFORM — Iran prezıdenti Masýd Pezeshkıan Tebrızge issapary kezinde kortejdegi úsh kólik te óship qalyp, taksı shaqyrýǵa májbúr boldy, dep habarlaıdy NasrNews.
Kólikter janarmaı quıý beketine toqtaǵan soń, kólikterge sý aralas benzın quıylǵan. Bul týraly basylymǵa prezıdenttiń arnaıy ınspektory Mustafa Movlavı aıtyp bergen.
Movlavıdiń málimdeýinshe, kortejdegi kólikterge Rasht tas jolyna kireberiste sapasyz benzın quıylǵan. Osydan keıin kólikter Kazvın provıntsııasynda toqtap qalady. Pezeshkıan Tebrızge jetý úshin taksı shaqyrýǵa májbúr bolǵan.
Prezıdenttiń tekserý bastaý úshin jergilikti ákimshilikke habarlaspaǵany atap ótildi. Movlavı mundaı jaǵdaıǵa qarapaıym azamattardyń da túsýi múmkin ekenin aıtty.
Eske sala keteıik, Izraıl shabýyly kezinde Iran prezıdenti zardap shekti.