Iran prezıdenti aza tutý rásimine qatysqan azamattarǵa alǵys aıtty
ASTANA. KAZINFORM — Iran prezıdenti Masýd Pezeshkıan el halqyna, ıslam álemine jáne halyqaralyq qaýymdastyqqa úndeý jasap, ıslam revolıýtsııasy kóshbasshysyn aqtyq saparǵa shyǵaryp salý rásimine mıllıondaǵan adamnyń qatysqany úshin rızashylyǵyn bildirdi. Bul týraly IRNA agenttigi jazdy.
Prezıdenttiń aıtýynsha, Tegeran, Qum, Meshhed qalalarynda, sondaı-aq Iraktyń Nadjaf jáne Kerbela qalalarynda ótken aza tutý sherýi halyqtyń yntymaǵyn, ulttyq birligin jáne táýelsizdik pen ádilettilik qaǵıdattaryna adaldyǵyn kórsetti.
Masýd Pezeshkıan sondaı-aq joǵary dinı jetekshilerge, memlekettik organdarǵa, buqaralyq aqparat quraldarynyń qyzmetkerlerine jáne aza tutý rásimderin uıymdastyrýǵa qoldaý kórsetken halyqaralyq seriktesterge alǵys aıtyp, el turǵyndaryn ulttyq birlikti saqtaýǵa shaqyrdy.
Eske sala keteıik, QR Syrtqy ister mınıstri Ermek Kósherbaev Irannyń Joǵarǵy kóshbasshysy aıatolla Seıed Álı Hameneımen qoshtasýǵa arnalǵan aza tutý rásimine qatysty.
Álı Hameneımen qoshtasý rásimi Irakta jalǵasty.
