Iran portyndaǵy jarylystan zardap shekkender sany 500-den asty
ASTANA. KAZINFORM — Irannyń ońtústigindegi Shahıd Radjaı portynda kúshti jarylys boldy, dep habarlaıdy Sınhýa agenttigi.
Irannyń jedel izdeý-qutqarý qyzmetiniń resmı ókili Babak Iektaparast jarylys saldarynan 516 adamnyń jaraqat alǵanyn, zardap shekkenderdiń barlyǵy aýrýhanalarǵa jetkizilgenin aıtty.
Belgili bolǵandaı, Shahıd Radjaı portyndaǵy ákimshilik ǵımarattardyń biri jarylystan zaqymdanǵan, sondaı-aq kóptegen kólik búlingen.
Iran úkimetiniń baspasóz hatshysy Mýhadjeranı málimdeýinshe, kemejaıda saqtalǵan hımııalyq zat tıelýi múmkin konteınerdiń jarylǵany anyqtalǵan. Alaıda, onyń pikirinshe, órt tolyq sóndirilmeı turyp, jarylystyń naqty sebebin anyqtaý qıyn. Ol oqıǵanyń sebebine kóz jetkizgennen keıin áleýmetti naqty aqparatpen qulaǵdar etýge ýáde berdi.
Qazirgi ýaqytta Shahıd Radjaı porty ýaqytsha jabyldy, oqıǵaǵa ornynda tergeý jáne qutqarý jumystary júrgizilip jatyr.
Buǵan deıin Bender-Abbastaǵy Shahıd Radjaı portynda jarylys bolǵanyn jazdyq.