Iran portyndaǵy jarylystan qaza tapqandar sany artty
ASTANA. KAZINFORM — Irannyń ońtústiginde, Parsy shyǵanaǵy jaǵalaýyndaǵy Bender-Abbas portyndaǵy joıqyn jarylystan qaza tapqandar sany 14-ke jetti, dep habarlady Anadoly.
Iran memlekettik televıdenıesiniń málimetinshe, Iran Іshki ister mınıstri Iskender Mýmenı qurbandar sany artýy múmkin ekenin aıtty. Mýmenı zardap shekken 200 adam aýrýhanalardan shyǵarylǵanyn, jalpy shyǵarylǵandar sany 412 adamǵa jetkenin atap ótti. Qazir aýrýhanalarda shamamen 300 adam em alyp jatyr.
Iran Іshki ister mınıstri órt baqylaýǵa alynǵanyn, biraq ony tolyq sóndirý jumystary áli jalǵasyp jatqanyn habarlady.
Eske salsaq, kúndiz Bender-Abbas portynda joıqyn jarylys boldy. Onyń sebebi ázirge belgisiz. Bastapqyda 47 adam jaralanǵany jáne 8 adam qaza tapqany habarlanǵan, biraq keıin zardap shekkender sany 750-ge jetti. Oqıǵa ornynan túsirilgen kadrlardan porttyń bir bóliginiń qatty zaqymdanǵanyn kórýge bolady.
Qaıǵyly oqıǵaǵa baılanysty Memleket basshysy Iran Prezıdentine kóńil aıtý jedelhatyn joldady.
Sonymen qatar Irannyń jarylys bolǵan portynyń Qazaqstan úshin mańyzy qandaı ekeni naqtylandy.